Öňki we soňky millet

Hudaýy çagyryp, gaçdyk zalymdan,
eli ganly, päli ganly, diline
gulak assaň, gözüň-başyň aýlaýan,
gözi gülýän, gerek wagty 'jan' diýip,
gyssag görse, gözýaş edýän, aglaýan,
öldürjekdi 'hä' diýmeseň, dymmasaň,
bizden başgaň 'gowy' boldy hemmesi,
göresi gelmedi, görmedi millet,
ýol alanda ýollaryny baglaýan,
biziň aýdanymyz gury söz boldy,
ne dogan bar, ne-de dost-ýar, düşündik,
ondan bäri geçdi geçmejek ýyllar,
hatar gurap, bir güni kyn türmede,
indi görýär, bilýär millet, belki-de,
gaçýar sypsa, öňki, soňky tilkiden.