Meniň ýolum

Meniň ýolum seniň ýoluň däl, belki,
külpetli ýol, ýeňil-ýelpaý geçilmez,
meniň ýodam özümiňi, seňki däl,
ot gögeren, ýörelmänsoň maňa çen,
ýa daşlary aýrylmadyk saňa çen,
meniň sözüm meniň sözüm, seniňki
başga düýpden, aýdylmadyk bolsa-da,
seretseň-de uzaklardan baş atyp,
ýa baş atman, gorkup, dykyp gulagyň,
meniň ýolum, belki, meniň ykbalym,
seniňki däl, ýöne başga mesele,
bag ekilse, saýalajak tapylar,
ýol çekilse, guýy gazylsa çölde,
ýörejek-de, suw içjek-de az bolmaz,
bu bir durmuş, bilip bolmaz, islese,
hiç kim ýolsuz ýa-da ýodasyz galmaz.