Eziji hökümet

Garyp-gasar etmek bolsa niýeti,
ezmek bolsa bar maksady döwletiň,
gizläp durmaz, diýer gepleme gepiň,
köplük biler öz ornuny, ýerini,
gorkar ondan daşlaşmaga, çykmaga,
düşewüntli ýerler galar döwletde,
bank gözlener ýat illerde, dykmaga
ogurlanan puly, sansyz, sajaksyz,
aýdyp, diýip ýörme bilýän zadyňy,
tutmasyzyň tutma asla adyny,
görme görseň, ýa türmede saçaksyz,
gara suwa zar ederin diýer ol,
il yrsgalyn ile bermän iýer ol,
gadagan bor hakykaty ýazjaklar,
ýalan ýazjak, ýalan aýtjak köpeler,
para bolar däp-dessury milletiň,
kim bermeşek, kim almaşak, açyk syr,
ýumurar ol okuw, bilim, mekdebi,
ezmek bolsa hökümetiň niýeti,
açyk ezer, diýdirer ol: "Ökde bi!"