Keýp ogullary

Olar gaçdy maşgaladan,
atasyndan, enesinden,
aýalyndan, çagasyndan,
öýlenmedik gaçdy, belki,
ykbalyndan, öý-işikli
boljak ertir, sabyr etse,
dünýe çilim, dünýe tüsse,
dünýe tirýek ýa geroin,
ýa başga zat, haýsy ýetse,
dannamady ýaş oglanlar,
ýa garrylar, bagşy, şahyr,
ministrler, uly adam,
dostlary bar, ýeke däldi,
ýöne bary ýeke, iki,
azar çekip, garyp öldi,
käbirleri azatlykda,
käbirleri ýesir boldy,
galdy yzda ýakynlary,
ýapja bolup tirýek satan,
ýurdy satan satlyklara,
hakykatdan gaçyp, tezip,
gaçdy olar öz-özünden,
biri-birin ezip, bezip.