Ýol dogasy

Sen beýik däl, pes-de dälsiň,
deňem dälsiň hiç kim bilen,
ol ol bolar, bu bu bolar,
sen sen borsuň, başga adam,
meňzemersiň, biler olar,
bilersiň sen tapawudy,
o - biriniň ogly, gyzy,
bu - biriniň atasydyr,
enesidir, dosty-ýary,
ezizidir birleriniň,
ýa bozulan aralary,
aladasy bardyr hemmäň,
bardyr, bolar ýalňyşy-da,
işi bardyr uly, kiçi,
sen beýik däl, pes-de dälsiň,
deňem dälsiň hiç kim bilen,
öz göwnüňe osup, soňsuz
gowulyga ymtylýansyň,
ymtylýandyr ilem gowa,
dowam etdir ýoluň, çyda,
durma gowy wagty howa.