Ýol meselesi

Gep, mesele biziň barýan ýerimiz,
ýa-da ýoluň näçe dowam etjegi,
näçe uzak döküp biljek deri biz,
ýa ýetjegi, ýetmejegi azygyň,
ilki suwuň gutarjagy däl asla,
ýangyjam däl, dik tutaly seri biz,
gep, mesele - biz bu ýola ugradyk,
oturmadyk, ýaýdansagam ilki kän,
gorky basdy, ýöne onuň aşagy
iň gowy ýer, iň ýyly ýer diýmedik,
giden gider, galan galar, özüni
nas, çilime, ýa-da TW-ä güýmedip.