Dat

Sen hemişe hemme zady
aýdyp, diýip bilmersiň, dat,
ýüregiňde galar köp söz,
gowy sözler, aýdylmaly,
guwanjyňy gizlärsiň sen,
gynanjyňy gizlärsiň sen,
çünki dogry düşünmezler,
ýa görerler başga gözden,
gorkyň kän bor pikir etseň,
müňkür bolsaň il-günüňe,
gysarsyň sen özüň çüňke,
kazy ýaly ähli adam,
kazyhana ýaly durmuş,
türmä öwren ýaşaýyşy,
bilip, bilmän, ýa alaçsyz,
goşulma bu ýaman işe,
özüň bilen gürleş bolman,
iç dökmegi edin pişe.