Umyt

Soňky sypal, ýapyşsaň-da,
çykarmajak hiç kenara,
çyksa öňden, ýapyş mäkäm,
dyza çökmän gyssagara,
bellisi ýok hiç deňiziň,
haýsy ýandan ösjek ýeller,
haýsy tolkun ýetjek nirä,
ýa-da gaýtjak yza bakan,
kime sowgat boljak güller,
bilip bolmaz, seniň ýakaň,
ýa başgaňky, iler ele,
çaklajak ýok bu gün gämi
münen çykar ertir nirden,
kim sag galar, kim bor däli,
ýapyş ýagşy umydyňa,
gowa ýorup niýet-päli.