Ýadawlyk

Men azajyk ýorulýaryn kämahal,
internetden, görüp, bakyp köp zada,
biri itim öldi, agladym diýýär,
beýlekisi deňsizlikden nägile,
uruş, gowga garşy çykýar el-aýak,
öldürilýän çagalara, aç-hora,
öý-ojagy ýumrulana gyýylýar,
o birleri doglan günün belleýär,
çagalary öýe gelip, ýurt aşyp,
okaýan bar, işleýän kän uzakda,
o birisi, balkonynda bir özi,
gyzyl çakyr guýup bulgura ýarty,
diýýär, meger, şundan başgasy artyk,
bu birisi çörek berip öýsüze,
paýlaşýar suratyn, beýik ülkede
eli açyk adamlar bar, bilmeli,
ýöne biri-birin açasy gelýän,
çydap bilmän özün açýan, belki-de,
nägilelik, duşmançylyk, kazylar
has köpelýän ýaly aklawça görä,
men azajyk ýorulýaryn, adamlar,
ýa-da bu bir kada, şeýlemi dörän?