Galat gahryman

Seniň ýurduň ogullary, gyzlary,
gaçýan bolsa öýün taşlap, ýer-ýesir,
gara başyn satyn alyp ýamandan,
bergä batyp, borja girip, öý goşun,
satyp gidýan ýylba-ýyldan köpelse,
gazanç gözläp, çörek gözläp ýat ile,
bir, iki däl, çagalaryn çyrladyp,
atasyny goýup yzynda ýetim,
enesini goýup yzynda ýetim,
çaga ýaly seretmeli günleri,
ölen güni gelip bilmän, ýat ilde
ýas tutsalar ýekelikde bagyryp,
dogry sözi aýdan duşmanyň bolsa,
aýdym aýdyp, galgamagyň ýerine,
başyň tutup, aglamaly ýer urup,
o nähili gahryman sen, çagalar
çörek alsa daňdan nobata durup?