Kyn ýagdaý

Kyn ýagdaýda adamy,
mätäç, ejiz, goragsyz,
hem özüne, hem başga
garşy goýup, ulanyp,
islän, gerek sözüňi
diýdirip ýa diýdirmän,
ýoýduryp ýa ýoýdurman,
zyňyp bolar ap-aňsat,
bu bilinýär, edilýär,
adam döräp, belki-de,
ýöne biri töhmedi,
tapman alaç, çykalga,
aglap atýar özüne,
ýa-da başga bigünä,
a beýleki ýylgyryp,
gülüp berýär görkezme,
isläp, çyndan begenip,
ýykjagyna birlerin,
ýa-da saklap ýolundan,
görjek başyn egenin...

Biri edýär mejbury,
beýlekisi meýletin,
goşup pälin, niýeti,
ikisi-de kast edip,
urmak gaçany ýetip.