Agraldylan deňsizlik

Ozal çaga kemsinerdi tigirli,
örän bagtly çagalary görende,
Artege gidende bagty gelenler,
ýa Çüliden, Pöwrizeden gelende,
tomsuň yssy günlerini geçirip,
ýa şäherde, asfaltlanan ýollarda,
ýagyş ýagsa, batga batman gezýäne,
gözi gidip, gam çekerdi obaly,
tutuş ýyly ýer sermenip geçirýän,
indi şäher, oba, deňleşdi, meger,
asfaltda däl, garyplykda, elbetde,
zibil dörýär pukaranyň çagasy,
a aýakgap boldy uly mesele,
doganyňda bolsa, okuwa hatda,
gezegine geýip gitmeli, Alla
berýär diňe baýa, baýy öwýäne,
zat diýme sen, agzyň açsaň, sögerler,
il baş eger il göwnüni döwýäne.