Içdäki oglan

Men özümde beýleki bir,
başga pikir-garaýyşly
garagoly basyp aşak,
saklaýaryn gije-gündiz,
diýmesizi diýmez ýaly,
gyzmaz ýaly gyzmala kän,
eger-de men gygyrmasam,
bagyrmasam saçym ütüp,
bu meniň hiç agyrysyz,
ýa ynjysyz oglandygym,
doglandygym kaýyl, ejiz,
maýyl bolup ýagtylyga,
gelen ýerim bolýar diýip,
galan ýerim bolýar diýip,
aňlatmaýar oturjagy
ses-sedasyz, gurjak ýaly,
men özümde basýan aşak,
o bir äri, durjak ýaly,
il öňünde, özün iýýän,
dur diýeni urjak ýaly.