Ýigrenç türmesi

Men ozallar bu bela
diňe bizde diýerdim,
biz näme üçin beýle diýip,
öz-özümi iýerdim...

O gün biri ýazypdyr,
başga dilde okadym,
türme diýip ýigrenje,
görünmeýän diwarly,
gözenegi demirden,
zynjyr bolan adama,
öz içinde, aňynda,
ýüreginde ýerleşip,
diýipdir ol zyndany
gurýarys biz birleşip.

Men ozallar bu bela
bize mahsus diýerdim,
diýip, walla, ýadatdy,
öz-özüm çig iýerdim.