Baýramsoltana

Belki-de men men däl diňe,
şemal, saçyň sypalaýan,
işikdäki gyrymsy ot,
öpýän çyksaň aýaklaryň,
atyr bolan güller birçak,
älemgoşar, gözüň ogşan,
ýa-da ýagyş, burçak-burçak,
ezjek bolýan ertir, agşam,
ýaş damjasy, ýaňagyňdan
togalanýan aşak käte,
ýatlanyňda ejeň, kakaň,
gözi ýolda galan, giden,
diňe bize bolmady bu,
ulus-ili ýakdy gedem...

Belki-de men men däl diňe,
şemiň nury, ýanýan assa,
dil men tämiz, söz gözleýän,
em gözleýän ähli hassa,
aýdymlary guşlaryň men,
işikdäki agaçlarda
konsert berýän ir säherler,
ýa ýapraklar, ygşyldaşýan,
gar tozgasy, gaýyp düşýän,
belki-de men men däl, derýa,
käte gurap, käte daşýan.