Baş sebäp

Azat bol, erkin bol, diňe türmeden,
zyndandan däl, dört diwardan ybarat,
uzyn haýat, tikenli sim ýokarsy,
derwezesi itli, gaçmasy müşgül,
mal-dünýeden, at-dereje, şöhratdan,
iň ozaly men-menlikden azat bol,
azat bol sen ýigrenjinden adamyň,
nirä barsa tapýan basan ýerinden,
ýa-da şonsuz gysýan ýüregi gaty,
bolsun ýa-da asla bolmasyn aty,
bahyllykdan, was-waslykdan azat bol,
saňa eli ýetmez bagty geleniň,
betbagt bilen, ýetsin haýsy wezipä,
deň bolma sen, nirede bir öleniň,
ýa öljegiň, öz-özüne kast edip,
saňa etjek zyýanyny goldama,
kömek etme oňa çekmäge seni,
öz oýnuna, gerekmejek drama,
seret, synla, näme bolýar, bolmaýar,
muňa gelen gul bolsa-da, bar kişä
ýaranmaýar, ýa-da uzak galmaýar.