Dermansyz dert

Goşgularyň, derdiň, türmede ýazan,
soň çykaran iki-üçden göçürip,
okamasa elden-ele geçirip,
derdi näme ýurduň, bilmese asla,
ýa-da bilip, bilmezligi saýlasa,
bor-bolgusyz aýdym saza, warsaka,
gep bilen gybata başyn aýlasa,
ertir geljek türmesiniň açaryn,
gaçar ýaly, berseň, aljak bolmasa,
ýatsa uzak, bolmaz beýle, gadyrdan,
tur ýeriňden diýseň, galjak bolmasa,
ýatan bolup, oýnan bolsa ykbalyn,
sen onuň gözüni açyp bilmersiň,
bendiligin soňlamarsyň hiç haçan,
galar ýesir gandalynda bakyýa,
gaçan millet öz-özünden aç-açan.