Utulan

Utan utýar munda, utulan başdan,
ýalňyşyny görmän, derňemän özün,
deňinden geçene aslyşyp, gargap,
tapyp özi ýaly yza galany,
gül ömrüni ýele sowurýar dargap,
dost edinip aýakýalaň ýalany.

Utanyň utuşy maýak öňünde,
utulanyň üýtgemeýär ýagdaýy,
düşünip bilmeýär syryna oýnuň,
sylaýan ýok ýaşy bolsa-da uly,
müň hyýala münüp, at salýar günde,
wah, utulan pahyr, gaharyň guly...