Iň päkize pir

Diňe gaýgy, alada däl, adamy
heläk edýär agalygy, içinde,
ýüreginde men-menligi köp bolsa,
Kap dagynda bolsa hyýaly mydam,
düş diýseň, düşmese, otursa höçjet,
gereginden artyk bolsa islegi,
kanagat etmese bolany bilen,
ynjalmasa, dynç almasa hiç haçan,
öwrenmese ýylgyrmagy, gülmegi,
düşünmese kinosyna durmuşyň,
dil ýetirjek, el ýetirjek, başarsa,
zyýan etjek bolar başga birine,
hem ynansaň, eteginde namazyň,
täret gylyp, okamaly pir, ine!