Aýdylan we aýdylmadyk söz

Akmak pahyr ene, atasy bilen
öwünermiş, durmazmyşyn çen-çakda,
a akylly guwanarmyş ogluna,
sen geçmişi bilen, kim bolsa bolsun,
gowusyndan erbet işi, seniňçe,
artyk bolsun ýa tersine, özüçe,
baha berme, nyrhyn kesme gyssanyp,
kazy bolma aýlyk alman, keýpine,
geçen geçdi, yza gaýdyp gelmeýär,
gül özüňe, kemsitme-de başgany,
göwni gara gowy günler gülmeýär,
şu günüňi berme ýigrenje, kinä,
eger adam eýe bolsa bir zada,
azda-kände ýagşy abraý, ada,
ogurlap bolmaýar adyn adamyň,
isleseň-de garalamak, ýagtylar
nurun saçar, gamaşdyryp gözleriň,
boldy, bolar netijesi elmydam
aýdylan hem aýdylmadyk sözleriň.