Iş we diş meselesi

Durmuşyň hözirin, eşredin adam
gazanmaly, ýatyp alyp bolmaýar,
awçy ýaly, çöp-çalama duwlanyp,
ady gapyl, atyp alyp bolmaýar.

Çapalap çar ýana, aslyşyp arly,
günäkärläp başga birin, ýigrenip,
şyltak atyp, at gazanyp bolmaýar,
ogurlap bolmaýar başgaň bagtyny,
işi bilen, ömri bilen gazanan,
mesele ýok malda, pulda hiç haçan,
bagt bermeýär hiç kümsüge hazyna.

Öldürseň-de türmesinde döwletiň,
ýa gutulsa, gargasaň-da yzyndan,
işin eden bagtly bolar, kemsinmez,
dişin gyjan bolmaz onuň dyzyndan.