Biz gitdik

Biz gitdik, gitmedik, galdy ýarymyz,
nirä barsak, bardygyny ýatladyp,
yzymyzdan geldi durdy, gelmedi,
garaşdy ol, gözün dikip ýollara,
garaşdyk biz, dolanarys, inşalla,
yzymyza gitjek bolduk, bolmady,
yzda galan dogan-gardaş, ýakyn, ýat,
toýun tutdy, ýasyn sowdy, ýat ýaly,
agladylar, eşitmedik seslerin,
güldüler, jakgyldy agy mysaly,
ýesir millet, gara ganym elinde,
öz içinden dömen, gelmişegiň däl,
diňe özün gara heläk etmedi,
alyp galdy bizi, goýbermän daşa,
biz gitdik, gitmedik, galdy kalbymyz,
seredip dur yzdan ýeňsesin gaşap.