Göreşiňe gynanma

Sen hiç haçan öňe çykyp,
aýdanyňa gynanma,
diýeniňe gynanma sen
diýilmedik zatlary,
saklanyp bilmedim diýme,
saklanýarka başgalar,
gahar etdim diýme,
gygyrdym diýme,
gülki boldum diýme ile,
duşmanlarym begendirdim,
gynandyrdym dostlarymy,
gara diwar gysdy diýme,
kän aglatdym çagalarym,
enem, atam ýandy, köýdi,
ýeke goýdy diýme millet,
bir gün ýeke däldigiňi bilersiň,
ilki öýde pyşyrdarlar adamlar,
soň daşaryk çykyp pyşyrdar biri,
gygyran bor arasynda birdenkä,
soňra iki, üç, dört bolar gygyrýan,
gara güýjüň, adam iýen ýüz ýyllap,
birden tüýli aýaklary sandyrar,
sen hiç haçan öňe çykyp,
içiňdäki hakykatyň
aýdanyňa gynanma,
sen hiç haçan ýeňilenňe,
gaýdanyňa gynanma,
gynanma sen göreşiňe,
goý, gynansyn ýatanlar,
hiç bir zada synanman.