Ýaraly halk

Ýaralanan adamlardan ägä bol,
olar asla adaty däl, üýtgeşik,
düýpden garaşmadyk zadyňy eder,
pikir etme ähli eden-etdilik,
dowam eder, durmaz, öňüňden gider.

Bir ýaraly diýer ardym, ýadadym,
beýlekiniň başujynda oturyp,
uzak ýatan diýer gutardym, ölýän,
ýöne olar ölmezligi öwrener,
biriniň gözünden okarsyň "Gelýän!
Ir begenme” diýip ýazylan haty,
beýlekiniň gözi, ekran mysaly,
çarpaýyna galan arzyly aty,
görmejek bolsaň-da görkezer saňa,
ýaralanan adamlardan ägä bol,
turar olar bir gün ýerinden böküp,
begenme ir bigünäniň, ýaragsyz,
ýatan wagty köpläp ganyny döküp.