Bumerang

Seni ýoldan ýöretmedik, gabanan,
eliň tutan, diliň tutan, sesiňi
bogup bolýan ýerde bogan adamlar,
ýa olaryň çagalary, ýetişen,
okuwsyz däl, bilimsiz däl, diplomly,
öz päline jyzar bolup galarlar,
gazanlar düşerler gazan ýerine,
ýakan bişer öz oduna ertesi,
ýa birigün diýseler-de hiç haçan
emel ýeten beýle bolar, galamyn,
depderini goýup bilmän elinden,
ýazan bolup, ýüzün ýerden galdyrman,
öz gözünden gaçyp ýaşar öýtmezdim,
öz-özüni şeýle güne salana,
nädip diýjek ile nähili dözdüň?