Garpyz däbi

Garpyz bermek goltugyna adamyň,
ýa ýel bermek, däli bolsa çalarak,
soň pil bermek, ýa-da kepje eline,
belki-de, milletiň gadym gylygy,
gülmek üçin üýmeleňde, mähellä,
kim bilenok, gülki gerek, agy däl,
emma akly ýetýän, oýnadyp biraz,
oýnan bolup oýnaýany azda-kän,
soňundan diýerdi: "Besdir-ow indi,
çeni ýagşy, ýaş-ýeleň bar, düşünmez,
çyndyr öýder, zat görmedik jahyllar,
etmäň meni küren obaň narpyzy!”
Ýöne millet, belki, uzak gözlänsoň,
tapdy ahyr goşa-goşa garpyzy
näçe berseň, “ää” diýmän aljagy,
hakykatda at üstüne münüp däl,
garpyzlary bilen ýatda galjagy.