Kiçilik

Uzak ýola ýoldaş bolan adamy,
tirkeşeni, işleşeni, syrdaşy,
garyndaşy, ýa keseki, dost bolan,
iç döküşen pikirdeşi kyn günde,
ýa-da soňra duşman bolan çemeçil,
sary towuk saman seçer etmese,
ýetirmese gereklejek birine,
adamy adama paş etjek açyp,
bilinmesiz aýby bilinmez kişiň,
özi bilen gider ölse, o dünýä,
ýöne bu kän başartmaýar, bolmaýar,
üzzeňiden üç geçenler dirikä,
ýa içinde kine saklan, ar saklan,
belki, indi etjek zady ýok diýip,
ýa ynanyp hakykata özüçe,
gowy ýerin goýup, erbedin aýdyp,
başga birin basyp, has bolýar kiçi.