Daragaç

Mesele bar ähli ýurtda, milletde,
ýaşyrylýan ýa aýdylýan aç-açan,
mesele bar her namartda, her mertde,
goý, kim bolsun, çyksyn iň belent gaça,
ýöne olar, meselesi başganyň
seniň meseläňi çözmek işiňe
päsgel bersin, ýa bermesin, bahana,
tutaryk edinme, gepe, gybata,
ýa gürrüňe, getirmejek hiç ýere,
ýitirme wagtyňy, aýa özüňe,
aýyr artyk gykylygy bir ýana,
saýla ýoluň, ýodaň, ot biten birçak,
lenji çykan ýoldan, barýan petige,
gitme, besdir, zamanyň ýok artykmaç,
peýdaly bol il-günüňe azajyk,
çukur bolma, ýa dikişme daragaç.