Döwlet şeri

Egri bolsa, döwlet seni
egrilige iteklär kän,
dogrulyga iteklemez,
ogry bolsa, döwlet seni
egri eder özi ýaly,
girdap bolsa iline ol,
çukur bolsa çuňňul, uly,
çeker aşak günde, agşam,
eder seni guluň guly.

Zalym bolsa, döwlet seni
zalym eder özi ýaly,
pida eder, aňsat-aňsat
jenaýatçy etmez diňe,
bilinýän zat, gan görüner,
eger süýde baksaň siňe...

Möçekmi ýa çopan hatar,
örüdäki geçi, goýna,
agyla gir, mäleme hiç,
ýazan, pozan bolup oýna,
döwlet depder, galam berse,
galdyrma hiç ýüzüň ýerden,
ala-böle gorar, belki,
şere şärik bolsaň şerden.