Döwlet adamlary

O döwletiň adamlary,
döwletini döw edinen,
edenini edýän, iýýän
ýüregini il-ulusyň,
ogra şärik, men-men diýýän,
halamazlar seni diýseň,
aýtsaň bolan zady açyk,
öldürerler gutulmasaň,
pygamber dek gije gaçyp...

O döwletiň adamlary,
döw edinen döwletini,
baş galdyrsaň, bozsaň däbin,
gulçulyga kaýyl bolman,
diýer saňa azan gäbi;
kanagatly bolan bolup,
çekip gepiň, sözüň kesä,
hikir-hikir gülen bolup,
seni edip sansyz, bisan,
o milletiň adamlary,
özün eder ýere ýegsan.