Gurjak teatry

Saňa rol berer olar,
telpek berer, berer taýak,
çopan bolup oýnamaly,
oýnamaly çoluk bolup,
gara günüň görüp zordan,
mejbur borsuň ne diýseler,
iýen borsuň ne iýseler,
ýalan ýugrup hamyryňy,
uly gurjak uly bolar,
kiçi gurjak kiçi bolar,
aralyklar bolar aram,
saga garap, sola garap,
o birleri şahyr bolup,
bu birleri ýene bir zat,
oýnar, nätsin, güni üçin,
güzerany üçin bilip,
dowam eder oýun, aran,
duran gitse, başga gelip.