Ýaş jogapkärçiligi

Ulalyp oňalmak diýmek
bilmek, belki, ýagşy näme,
ýaman näme, wagtynda, ir,
tapawudyn bilmek görüp,
nirde mürit, nirede pir.
hem bes etmek, çekip ýörmän,
oýunlaryn oglanlygyň,
gaýgy-gamyn, ýeňil-ýelpaý,
keýpi-sapa çeken bolup,
aglamaly ýerde, eý-waý,
ýalandan ýaş döken bolup,
bes etmek ol geldi-geçer
ýaşamagy özüň aldap,
aldaýandan bolup iliň,
hala daş bol, hala agaç,
gurbany sen däli sliň.

Ulalyp oňalmak, belki,
görmeziňden ozal agtyk,
ak girse-de, aň girmejek
obadaşyň bilen wagtyň
ýitirmekden daşlaşmakdar,
ildäki däl, özüňdäki
ikilikden daşlaşmakdyr.