Ösüş kanuny

Ýolda duran ýol bolarmyş,
çagyrarmyş seni aňryk,
adyň tutup, guwanyp däl,
el-aýagyň tutup, gaňryp,
gaçsaň, yzdan adam ýollap,
badak salyp aýagyňa,
gaçdyň diýip meni aldap,
ar alarmyş ýolda duran,
şarpyk bolup ýaňagyňa,
aýaz bolup içden uran,
bu durmuşyň kadasymyş,
ýola çykan bolmasa hiç,
ýa bolmasa ýolda duran,
tutluşmasa ak, gara güýç,
gutararmyş şäher, oba,
öwrülermiş ulus-iller
ýata suwly porsy ýaba.