Ukrain mukaddesligi

Şäheriňe raketa ýagýarka,
duşman oky ýumurýarka jaýlary,
öldürýärkä adamlary garry, ýaş,
çaga diýmän, aýal diýmän, gyz diýmän,
sen eliňe ýarag alyp ýurduňy,
adamlary gorap bilseň azda-kän,
diri galan, çykyp ýanýan jaýyndan,
suw sepişip ýanar oda, aždarha,
gol uzatsaň aljyrana, mejalsyz,
ýaralyny, ýitenleri gözleşseň,
çykaryşsaň harabada galany,
gaçyp giden pişigini gözleýän,
itini gözleýän ildeşiň bilen,
gara gije ýolda durup gürleşseň,
bir-birege aýdyp sözüň gowusyn,
umyt berip, ýürekleri güldürip,
bu nähili beýik duýgy, beýik zat,
öldürýänler bilmez muny öldürip.