Özüňden gaçmagyň jezasy

Jezasyny çekýär adam,
jezasyny çekýär millet,
ynanmadyk öz-özüne,
gözlemedik özün asla,
tapmak entek bärde dursun, uzakda,
ynanmadyk özündäki kuwwata,
ýaşaýyşa ynanmadyk adamlar,
ynananlar özgeleriň güýjüne,
gorkup, belki, öz-özüne gitmäge,
diriligi burça gaban özünde,
öz-özüne ynanmagy saýlaman,
öz güýjüni synamagy saýlaman,
saýlan, belki, egsikleri özünden,
gorkanlary, batyry däl azajyk,
bihaýany, iki ýüzli, ýalançy,
öz-özüne edýänleri ikilik,
ynanandan bolýan hudaýa, Alla,
hakykatda başga zada ynanýan,
gurban bolup ýalan-ýaşryk şöhrada,
jezasyny çekýär adam
jezasyny çekýär millet,
öz-özüniň garap bilmän gözüne,
uýan bolup ýol urduran köplüge,
ýa öz-özün ýok edeniň sözüne.