Uzak aralyk

Seni ozal tanan biri,
beýlekiler, dost ýa duşman,
bile ýaşan bir şäherde,
edeninden eden puşman,
ýa zeýrenen ýaşaýyşdan,
saýawana pulun düzmän,
şarpyk iýip ak ýagyşdan...

Ýyllar geçip, gelýär habar,
şol bir gürrüň, şol bir gepi
gaýtalaýar yzda galan,
gedemmişiň, uly gepläp,
ýalňyşypsyň, ýene pylan,
ondan bäri ak aždarha
çykdy öňki gara ýylan,
a sen, belki, başga adam,
olar seni görenoklar,
bilenoklar içki dünýäň,
daşky dünýäň, akmy, gara,
eger bolsaň öňki oglan,
şindem daşdan saljak ýara.