Öz işiň

Meger, sözüň, sazyň möwriti ötdi,
Sokratyň-da geregi ýok ullakan,
ýa soňkular, adamzadyň guwanjy,
eger-de bar bolsa böwrüňde sanjy,
telefon bar, birje surat ýeterlik,
ýa wideo, gysga bolsun, uzak däl,
aýdyp bilýän, diýip bilýän, görkezýän
öz ýagdaýyň, bütin ýurduň halyny,
üstesine gykylygy döwletiň,
tassyklap dur gizlän bolup ýalanyn,
talaňyny aýan edip, ýaşyrman,
düşünseň ýa düşünmeseň öz işiň,
diýseň işim başararyn, başarman.