Boýun alyş
Walentin Gaftyň äheňinde
Sag bolsunlar bize badak atanlar,
bile-göre, oýlap-biçip öňünden,
begenenler birden ýykylsak gaty,
sypjyrylsa bir ýerimiz, gorkudan
dowla düşsek, uçuklasa agzymyz,
ýöne belli, eger şolar bolmasa,
agyrtmasa bizi günde-günaşa,
keýp almasa agymyzdan, ýitirip,
ýer sermensek ýakynlaryň ýakynyn,
nireden bilerdik manysyn ömrüň,
gar ýaganda bilip gadyryn kömrüň,
ýa gözbaşyn beýikligiň, geçirip,
hiç deň bolman duşman bilen, bizi däl,
iň ozaly sylamadyk özüni,
goşgy ýazsak, setirin däl, şolarsyz
kyn bolardy tapmak ýeke sözüni.