Eger

Eger söýgi, sylag, sarpa adama
ýokanç bolan bolsa ýigrenç ýalaky,
halas edip bordy, belki, ýeňleni,
pesi peýläp, sil dek öç alsa akyp...

Eger-de rehim, kanagat, mähir
ýokanç bolan bolsa bahyllyk ýaly,
beýle agyr, çykalgasyz bolmazdy,
ýüpsüz daňlan ýesirleriň ykbaly.

Eger-de geçirim, parhlylyk, çydam,
ýokanç bolan bolsa açgözlük ýaly,
ýaralap bilmezdi dünýäni toplar,
çagasyn aldyran ene mysaly.