Agzyndan ot çykýar diýdiler bize
Žurnalist Muhammet Myratlynyň ruhuna bagyşlaýaryn.
Agzyndan ot çykýar diýdiler bize,
türmesinde KGB-niň, dowzahyň
işiginden yşyk açylýan ýerde,
ýaşula-da adyn tutup, gönümel,
diýip otyr diýjeklerin, hakykat
halas eder diýip ýurdy, milleti,
ýalan ýykar, talaň ýykar, tekrarlap,
hemmä belli hakykaty, açjak dek,
Garagumda ak jennetiň gapysyn,
il dymýarka bir akylly ikisi,
gören bolup il-ulusyň hapasyn,
kimdir öýdüp özlerine, men-menler,
agzyndan ot çykýar diýdiler bize,
suw sepmeli wagty oda, emgenmän.