Al-Horezminiň jogaby

Bu bir gürrüň, sorapmyşlar bir gezek,
atasyndan algebranyň, düşündir,
adam diýmek näme diýip, akyldar
jogap beren: Eger ahlakly bolsa,
bu barabar diýmek 1-lige adam,
eger bolsa salyhatly, 0 goşular 1 yzyna,
deň bolar ol şeýdip 10-a,
eger adam eli açyk, baý bolsa,
ýene-de bir 0 goşular 1-den soň,
deň bolar 100-e onsoň,
eger-de ol bolsa asylly, kämil,
ýene-de bir 0 goşular 1-den soň,
şeýlelikde 1000-e barabar bolar,
ýöne eger ol adamyň içinde
ahlagyň gymmaty peselse, ýitse,
ýagny gaýyp bolsa 1-lik başbütin,
diňe nol bor, hiç zat bolar, neresse.