Adam sypaly

Sen özüňi tanamasaň, bilmeseň,
seretmeseň asla kalbyň törüne,
görüp bilmän galsaň göwün bagyňy,
ýa gögerjek, şineleýän gülleri,
ýa ekmeseň tohum saýlap, guwanyp,
garaşmasaň bilbillere bagyňda,
uçup geljek ir säherler, agşamlyk,
diňlemeseň aýdymyny guşlaryň,
gezekleşip aýdyp berse mugtuna,
ýesir borsuň başgalaryň elinde,
ýorularsyň, kemsinersiň, uwlarsyň,
ejir çekip kümsükleriň dilinden,
çöregiňi tapjak blup çaý bilen,
tans edersiň gurjak ýaly, ýokardan
ýüpi, bagy gazap bilen çekilýän,
sen özüňi getirmeseň özüňe,
sypal borsuň mal ýataga dökülýän.