Ýetim han

Dili süýji, öňýetene
dogan diýýän, jan diýýän han,
hem aglaýan, hem gülýän kän,
berjek diýse ilime nan,
ynandylar, ýetim oglan,
hiç zady ýok, goý, bezensin,
bahyl başgaň donun sanan,
bolsa bolsun uly, gymmat,
nesip etsin köşgi-eýwan,
il içinden çykyp öňe,
kimem bolsa, biri hökman
sürmeli bor diýip döwran,
goldadylar ýerli-ýerden,
ile görä dörär serdar,
il oňlasa, atyňy soý,
hapalandy dili hanyň,
halkyn etdi ýere ýegsan.