Serhet goragçysy
Aeroportda işleýär ol, döwletiň
gözümişin, içse biraz eselýär,
gürrüň berýär dost-ýaryna ýylgyryp,
ählisin däl, arasynda käbirin,
buýruk gelse başlyklardan, şübheli
diýlenleri geçirýärin barlagdan,
sag bolsunlar skanneri tapanlar,
munça çyplak aýal görmezdim ýogsa...
Irden turýar, daş dek agyr kellesi,
ýada düşýär ýene açylan agzy,
çaý getiren ejesinden uýalyp,
düýnküsinden birazajyk peselýär.