Satylan gözellik

Aw bilen awçynyň arasyndaky
aralykmyş azatlygyň gerimi,
ýöne awçy gelen bolsa ýat ilden,
din-imanly bolan bolup has artyk,
bäş wagtyna okan bolup namazyn,
ýaraglary gurat, dürbüli, uzak
aralyga ýetýän atan güllesi,
arabaly atyp alan towşany,
orsuňkydan ýyndam münen maşyny,
Garagumda gaçyp-tezip gün gören
jerenleriň gar ýagdygy bagtyna,
gelejegi köşkde satylan arzan,
gedaý bolup çykan türkmen tagtyna.