Ak gül

Gara gyşyň aňzagynda açylan
ak güldi ol görülmedik, bildiler,
tankly, toply hökümetdi atlary,
aklygyndan üýşendiler, öldüler,
gorkup saçan, indi saçjak nurundan,
lukman bolup, gara jaýa saldylar,
ak halatly, berbaşagaý boldular...

Gorkan diňe hökümet däl, türmeli,
KGB-si bilen saklanan, duran,
ýazyjy-şahyrlar, eldeki bolan,
dörediji, ýaradyjy adamlar,
adyn agzap bilmän gaçdylar daşa,
ol ak güldi, açylypdy aňzakda,
bolup biljek däldi sürüde naşy.