Durmuş sapagy

Dogan diýip, gardaş diýip,
dost-ýar diýip, eliň açyk,
göwnüň açyk bolsa, kimmiş,
bolan bolýar jomart diýip,
hasabyna, gör, kimleriň,
nämeleri diýmez ilki,
ortalykdan urýar, belki,
arslan boldy düýnki tilki,
öz göwnüne osar adam,
görmek islän seni selki...

Soňra eli uzar, ýazar
aýagyňdan töhmet atyp,
haýran galyp kinesine,
üýşenersiň sözünden oň,
wah, daş dursam bolmadymy
diýip gülen gözünden oň.

Eliň açyk, göwnüň açyk,
adam bilen adam ýaly,
bolmazdan öň oýlan ýatyp,
turup oýlan, artyk zadyň
bardyr öýdüp, ölmesin ol,
görüp bilmez göwni garyp,
iç baýlygyň bilmesin ol.