Özüň üçin

Hiç işiňe ynanmaýan mähelle,
umyt etme, gulak asar sözüňe,
gözün ýumýan gan gelende garakdan,
ylgap gelmez ýaş inende gözüňe.

Näme etseň, özüň üçin, ile däl,
nirä gitseň, özüň üçin, hile däl,
näme ýazsaň, ýaz özüňe ýarasa,
näme ekseň, özüň üçin, pile däl,
dogry, paýyn goý guşlaryň, gumrynyň,
ýyllaryňy azaba ber, harmanyň
iň ozaly özüň üçin, ýele däl,
harpyk bolma arzanlanda jemagat,
nirä ýetseň, ýa-da ýolda ýykylsaň,
özüň üçin, ýedi ýada çile däl...

Sen ile däl, ynan ilki özüňe,
öz işiňe, seretme-de özüne,
öz sözüne ynanmaýan agyzla,
iýjekdir ol, ekip berseň ekinin,
geýjekdir ol, tikip berseň tikinin,
öz işinden gaçan islesin näme,
ýa-da diýsin, gezme gepden çekinip.