Gara göwün meselesi

Näsag bolsa pikir-oýuň,
hassa edýän günbe-günden,
bilmezlige salma bilip,
many çykar gürrüňiňden,
başga etse – ýaramajak,
nep bolmajak hiç bir derde,
ýaraň bolsa, saramajak,
gep-sözüňi seljer, ele,
gaýtalama ýalňyşlaryň,
siňe baksaň hatar-hatar,
başgadan däl, öň-özüňden,
öz hataňdan et sen heder,
gylyk bolan, gowy däl, pes,
gaty görme gabahadyň,
agzyňy ýum, sesiňi kes,
aýdýan bolsa çagaň hatda,
beterletme beter halyň,
gutul öýden çykman ýatda,
sow pikiriň başga ýana,
durla özüň, çaýka-da syk,
hassa edýän gara göwni,
görjek bolma, geçirme, ýyk.