Iki heläk

Saňa eden zatlaryndan
utanmazlar ýaly olar,
gep-gybatyň eden bolar,
erbetmişiň, mesligiňden
girenmişiň uly urşa,
ýogsa islän wezipäňi
berjekmişin döwlet garşa
guda bolan ýaly dymsaň,
soňy gelmez gürrüňleriň,
göýä başga işleri ýok,
ýa özleri kemsiz, gözel,
garalan bor, özleri ak
görner ýaly kölegede,
gara bagyň saýasynda
galjak ýaly bir, ýeke-täk,
gülen borlar ýykylaňda,
ýa enteseň ýat illerde,
bir seniňki ýaly göreş,
ýa bir seni sorýan ýaly
günde adam alýan girdap,
çöp-çalam dek çekip, dartyp,
gep-gybaty bilen bile,
gülküleri bilen ýalan,
görmän saňa bolan ertir
özlerine geler, bolar,
saňa eden zatlaryndan
iki heläk bolýar olar.